Nú er komið að síðustu vísbendingunni í CAL Mystery blanket og þegar þú hefur lokið við að hekla tvær síðustu umferðirnar ertu komin með teppi tilbúið til notkunar – og ráðgátan er leyst! Takk fyrir að hafa verið með okkur og deilt athugasemdum þínum og árangri með okkur. Nú þegar er okkur farið að hlakka til næsta ráðgátuverkefnis!
Ertu nú þegar orðin CAL sérfræðingur? Þá getur þú hoppað yfir myndirnar og farið beint í mynsturteikningu (eða myndbönd) neðst á síðunni.
Við notuðum þessa liti í 2 síðustu vísbendingarnar:
1. UMFERÐ: 05 ljós þveginn
2. UMFERÐ: 06 ljós gallabuxnablár
1. UMFERÐ:
Heklið 1 keðjulykkju í hverja af næstu 2 stuðlum, 1 keðjulykkja um loftlykkjubogann, 3 loftlykkjur, lesið HEKLLEIÐBEININGAR að neðan, 2 stuðlar um loftlykkjubogann, 3 loftlykkjur (horn), 3 stuðlar um sama loftlykkjuboga.
HEKLLEIÐBEININGAR:
Fyrsta stuðul í byrjun umferðar er skipt út fyrir 3 loftlykkjur. Umferðin endar með 1 keðjulykkju í 3. loftlykkju.
Nú er heklað meðfram allri langhliðinni þannig: 2 loftlykkjur, hoppið yfir 2 lykkjur, heklið 1 stuðul í næstu lykkju, en passið uppá að það verði 62 loftlykkjubogar meðfram langhliðinni og að endað sé með 2 loftlykkjum, hoppið yfir 2 lykkjur.
HORN:
Heklið 3 stuðla um loftlykkjubogann, 3 loftlykkjur, 3 stuðlar um sama loftlykkjuboga.
Heklið 1. Skammhlið eins og 1. Langhlið, en passið uppá að það verða 48 loftlykkjubogar meðfram skammhlið og að endað sé með 2 loftlykkjum, hoppið yfir 2 lykkjur. Eftir það eru hekluð horn, næsta langhlið og skammhlið eins og útskýrt er að ofan.
Endið umferðina með 1 keðjulykkju í 3. loftlykkju frá byrjun umferðar, lesið HEKLLEIÐBEININGAR að ofan, ekki klippa frá.
2. UMFERÐ:
Heklið 1 keðjulykkju í hverja af 2 næstu stuðlum, 1 keðjulykkja um næsta loftlykkjuboga, jafnframt er skipt yfir í ljós gallabuxnabláan, lesið LITASKIPTI að neðan, klippið frá ljós þvegna þráðinn. Heklið 3 loftlykkjur, 2 stuðlar um loftlykkjuboga, 3 loftlykkjur (horn), 3 stuðlar um sama loftlykkjuboga.
LITASKIPTI:
Til að fá fallega skiptingu þegar skipt er um lit er síðasta lykkjan í umferð hekluð með nýja litum.
Hoppið yfir 2 lykkjur og heklið 1 fastalykkju í næstu lykkju, hoppið yfir 2 lykkjur og í næstu lykkju er heklað þannig: * 3 stuðlar, 1 loftlykkja og 3 stuðlar, hoppið yfir 2 lykkjur, 1 fastalykkja í næstu lykkju, hoppið yfir 2 lykkjur *, endurtakið frá *-* alla hliðina þannig að það verða 31 sólfjaðrir meðfram langhlið.
HORN:
Heklið 3 stuðla í loftlykkjubogann, 3 loftlykkjur, 3 stuðlar í sama loftlykkjuboga.
Heklið 1. Skammhlið eins og 1. Langhlið þannig að það verða 24 sólfjaðrir meðfram skammhlið.
Eftir þetta eru hornin hekluð, næsta langhlið og skammhlið eins og útskýrt er að ofan.
Endið umferðina með 1 keðjulykkju í 3. loftlykkju frá byrjun umferðar, klippið frá og festið alla enda.
Teppið á nú að mælast ca. 115 x 90 cm.
Við vonumst til að þú hafir haft eins gaman af að hekla þetta teppi og okkur! Ekki gleyma að senda okkur myndir af teppinu þínu til Spring Lane galleriet!
= | keðjulykkja í/um lykkju | |
= | loftlykkja | |
= | stuðull um loftlykkjuboga | |
= | fastalykkja í lykkju | |
= | stuðull í lykkju |
Cristina wrote:
Quería daros las gracias por hacerme este confinamiento debido al covid 19 más llevadero. Tenía un poquito olvidada mi manta y ha sido un refugio para mi mente tras los duros dias que hemos pasado. Es tan bonita como imaginé. Mil gracias por mantener la info en internet.
22.06.2020 - 00:17