DROPS Kid-Silk uni colour 75% Mohair, 25% Silki |
1430.00 kr /25g |
Panta |
Þegar smellt er á PANTA hnappinn þá verður þér vísað á heimasíðu Handverkskúnst
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
DROPS Kid-Silk uni colour 75% Mohair, 25% Silki 1430.00 kr /25g Panta |
Þegar smellt er á PANTA hnappinn þá verður þér vísað á heimasíðu Handverkskúnst
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Blushing Fall |
|
|
|
Prjónuð húfa / hipsterhúfa og vettlingar úr DROPS Alpaca og DROPS Kid-Silk. Stykkið er prjónað í stroffprjóni.
DROPS 214-2 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- ÚRTAAKA-1 (á við um húfu): Fækkið um 8 lykkjur í hverri umferð með úrtöku. Prjónið þar til 5 lykkjur eru eftir á undan lykkju með prjónamerki í, prjónið næstu 2 lykkjur slétt saman, prjónið stroff eins og áður yfir næstu 7 lykkjur, lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir. Endurtakið við þau prjónamerki sem eftir eru í umferð. ÚRTAKA-2 (á við um vettlinga): Fækkið um 1 lykkju hvoru megin við prjónamerki þannig: Prjónið þar til 5 lykkjur eru eftir á undan lykkju með prjónamerki í, prjónið 2 lykkjur slétt saman (= 1 lykkja færri), prjónið stroff eins og áður yfir næstu 7 lykkjur (miðju lykkjan af þessum lykkjum er með prjónamerki í), lyftið 1 lykkju eins og prjóna eigi slétt, 1 lykkja slétt, steypið lyftu lykkjunni yfir (= 1 lykkja færri). ÚTAUKNING (á við um vettlinga): Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn svo ekki myndist gat. Prjónið síðan nýjar lykkjur inn í stroff. ------------------------------------------------------- BYRJIÐ Á STYKKI HÉR: ------------------------------------------------------- HÚFA - STUTT ÚTSKÝRING Á STYKKI: Stykkið er prjónað í hring á hringprjóna, neðan frá og upp. Skiptið yfir á sokkaprjóna eftir þörf. HÚFA: Fitjið upp 120 lykkjur á hringprjón 3,5 með 1 þræði Alpaca og 1 þræði Kid-Silk (= 2 þræðir). Prjónið 1 umferð brugðið. Prjónið stroff (= 1 lykkja slétt, 1 lykkja brugðið). ATHUGIÐ PRJÓNFESTUNA! Þegar stykkið mælist 23 cm, setjið 4 prjónamerki í stykkið þannig: Setjið fyrsta prjónamerki í fyrstu sléttu lykkjuna í umferð (prjónamerki er sett í lykkjuna, ekki á milli 2 lykkja), setjið 3 prjónamerki til viðbótar með 29 lykkjum á milli hverra lykkja með prjónamerki. Öll prjónamerkin sitja í sléttri lykkju. Haldið nú áfram hringinn í stroffprjóni og í næstu umferð byrjar úrtaka – sjá ÚRTAKA-1. Fækkið lykkjum svona í annarri hverri umferð 10 sinnum = 40 lykkjur. Prjónið næstu umferð þannig: * prjónið stroff eins og áður yfir fyrstu 4 lykkjurnar, lyftið 1 lykkju eins og prjóna eigi slétt, 2 lykkjur slétt saman, steypið lyftu lykkjunni yfir lykkjurnar sem prjónaðar voru saman (= 2 lykkjur færri), prjónið stroff eins og áður yfir næstu 3 lykkjur *, prjónið frá *-* alls 4 sinnum í umferð = 32 lykkjur. Prjónið 1 umferð með sléttum lykkjum yfir sléttar lykkjur og brugðnum lykkjum yfir brugðnar lykkjur. Prjónið 2 og 2 lykkjur slétt saman = 16 lykkjur. Klippið frá, þræðið þráðinn í gegnum þær lykkjur sem eftir eru, herðið að og festið vel. Húfan mælist ca 25 cm með 6 cm uppábroti neðst (= alls 31 cm). ------------------------------------------------------- VETTLINGAR – STUTT ÚTSKÝRING Á STYKKI: Stykkið er prjónað í hring á sokkaprjóna. HÆGRI VETTLINGUR: Fitjið upp 40-48 lykkjur á sokkaprjóna 3,5 með 1 þræði Alpaca og 1 þræði Kid-Silk (= 2 þræðir). Setjið eitt prjónamerki í byrjun á umferð. Prjónið síðan stroff (= 1 lykkja slétt, 1 lykkja brugðið) hringinn í 8-8 cm. ATHUGIÐ PRJÓNFESTUNA! Setjið nú eitt prjónamerki í fyrstu lykkju í umferð (þ.e.a.s. slétt lykkja = þumallykkja). Haldið áfram hringinn með stroffprjóni og aukið út um 1 lykkju hvoru megin við þumallykkju (= 2 lykkjur fleiri) – sjá ÚTAUKNING! Aukið svona út hvoru megin við útauknar lykkjur í annarri hverri umferð alls 5-6 lykkjur = 50-60 lykkjur. Setjið nú 11-13 þumallykkjur á þráð. Haldið áfram hringinn í stroffprjóni og fitjið upp 1 nýja lykkju aftan við þumal í næstu umferð = 40-48 lykkjur. Þegar vettlingurinn mælist ca 22-22 cm (mátið e.t.v. vettlinginn, nú eru eftir ca 5-7 cm að loka máli), setjið 2 prjónamerki í stykkið þannig (prjónamerkin eru sett í lykkju, ekki á milli 2 lykkja): Setjið fyrra prjónamerkið í 11.-13. lykkju í umferð (= 1 lykkja slétt á neðan verðum vettlingi), setjið næsta prjónamerki í 31.-33. lykkju (= 1 lykkja slétt í efri hlið á vettlingi). Haldið áfram hringinn í stroffprjóni, jafnframt byrjar úrtaka í næstu umferð – sjá ÚRTAKA-2. Fækkið lykkjum svona í 4. hverri umferð 1-1 sinni, síðan í annarri hverri umferð 4-6 sinnum = 20-20 lykkjur. Prjónið 2 og 2 lykkjur slétt saman þar til 5-5 lykkjur eru eftir í umferð. Klippið frá, þræðið þráðinn í gegnum þær lykkjur sem eftir eru, herðið að og festið vel. Vettlingurinn mælist ca 27-29 cm. ÞUMALL: Setjið til baka 11-13 þumallykkjur af þræði á sokkaprjóna 3,5. Prjónið að auki upp 3-3 lykkjur aftan við þumal = 14-16 lykkjur. Prjónið stroffprjón hringinn þar til sjálfur þumallinn mælist ca 5½-6 cm (mátið e.t.v. vettlinginn, nú er eftir ca ca ½ cm að loka máli). Prjónið 2 og 2 lykkjur slétt saman þar til ca 4 lykkjur eru eftir í umferð. Klippið frá, þræðið þráðinn í gegnum þær lykkjur sem eftir eru, herðið að og festið vel. VINSTRI VETTLINGUR: Fitjið upp 40-48 lykkjur á sokkaprjóna 3,5 með 1 þræði Alpaca og 1 þræði Kid-Silk (= 2 þræðir). Setjið eitt prjónamerki í byrjun á umferð. Prjónið síðan stroff (= 1 lykkja slétt, 1 lykkja brugðið) hringinn í 8-8 cm. Setjið nú eitt prjónamerki í 19.-23. lykkju í umferð (= þumallykkja). Haldið áfram hringinn í stroffprjóni og aukið út um 1 lykkju hvoru megin við þumallykkju (= 2 lykkjur fleiri) – sjá ÚTAUKNING! Aukið svona út hvoru megin við útauknar lykkjur í annarri hverri umferð alls 5-6 lykkjur = 50-60 lykkjur. Setjið nú 11-13 þumallykkjur á þráð. Haldið áfram hringinn í stroffprjóni og fitjið upp 1 nýja lykkju aftan við þumal í næstu umferð = 40-48 lykkjur. Þegar vettlingurinn mælist ca 22-22 cm (mátið e.t.v. vettlinginn, nú eru eftir ca 5-7 cm að loka máli), setjið 2 prjónamerki í stykkið þannig (prjónamerkin eru sett í lykkju, ekki á milli 2 lykkja): Setjið fyrra prjónamerkið í 11.-13. lykkju í umferð (= 1 lykkja slétt á neðan verðum vettlingi), setjið næsta prjónamerki í 31.-33. lykkju (= 1 lykkja slétt á efri hlið á vettlingi). Haldið áfram hringinn í stroffprjóni, jafnframt byrjar úrtaka í næstu umferð – sjá ÚRTAKA-2. Fækkið lykkjum svona í 4. hverri umferð 1-1 sinni, síðan í annarri hverri umferð 4-6 sinnum = 20-20 lykkjur. Prjónið 2 og 2 lykkjur slétt saman þar til 5-5 lykkjur eru eftir í umferð. Klippið frá, þræðið þráðinn í gegnum þær lykkjur sem eftir eru, herðið að og festið vel. Vettlingurinn mælist ca 27-29 cm. ÞUMALL: Prjónið á sama hátt og hægri þumall. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6940 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (16)
Hannah wrote:
Opmerking bij de want maat M/L: De tweede markeerdraad voor de minderingen moet volgens mij in steek 37 geplaatst worden en niet in steek 33. Anders zijn de minderingen niet symmetrisch en overlappen ze elkaar uiteindelijk.
18.01.2024 - 09:12Anna wrote:
W opisie wykonania prawej rękawiczki brakuje informacji, gdzie umieścić markery, które wyznaczają kciuk i dodawanie oczek. Bardzo proszę o uzupełnienie.
02.12.2023 - 23:52DROPS Design answered:
Witaj Aniu, informacje, o których piszesz są zawarte we wzorze. Pozdrawiamy!
04.12.2023 - 08:56Barbara wrote:
Hallo liebe Team, Übersetzungsfehler bei den Handschuhen: Im Norwegische. Original steht es eigentlich so: Auf diese Weise in jeder 4. Runde 1-1 x abnehmen, dann in jeder 2. Runde 4-6 x abnehmen = 20-20 Maschen. Für Anfänger ist es missverständlich, hier steht nur: Weiter in Runden im Rippenmuster stricken, dabei in der nächsten 4. Runde mit den Abnahmen beginnen - ABNAHMETIPP-2 beachten. Dann in jeder 2. Runde 4-6 x abnehmen = 20-20 Maschen. Danke!
21.11.2022 - 11:39DROPS Design answered:
Liebe Barbara, hier ist es anders gemeint, dh nach der 1. Abnahmen stricken Sie 3 Reihen, dann nehmen Sie in jeder 2. Runde 4-6 Mal ab. Viel Spaß beim stricken!
21.11.2022 - 16:28Alicia wrote:
Muchísimas gracias por vuestra atención, ahora lo entiendo perfectamente
06.03.2022 - 18:47Alicia wrote:
Gracias por vuestra respuesta pero no me cuadra con esto, que es lo que pone en el patrón para hacer las disminuciones, perdonad si voy errada pero no me acaba de cuadrar... "Tejer hasta que resten 5 puntos antes del punto con el marcador, tejer 2 puntos juntos de derecho, tejer en resorte como antes sobre los 7 puntos siguientes, deslizar 1 punto como de derecho, tejer 1 punto derecho y pasar el punto deslizado por encima. Repetir en todos los otros marcadores." Muchas gracias
04.03.2022 - 11:48DROPS Design answered:
Hola Alicia, sí, perdona, pensaba que se trataba de 2 puntos juntos de derecho, no 2 derechos seguidos. Es habitual que al trabajar disminuciones queden 2 puntos iguales (derechos o reveses) seguidos. En este caso se trabajarían como se presentan los puntos (los dos de derecho o de revés). En la última foto del gorro pueden ver que se empieza a interrumpir el punto elástico de esta manera.
06.03.2022 - 12:51Alicia wrote:
Hola, tengo una duda con el gorro, después de hacer una vuelta de disminuciones, en la siguiente vuelta me encuentro puntos del derecho juntos, cómo debo hacer? sigo tejiendo uno del derecho y uno del revés o tejo los dos del derecho? gracias
28.02.2022 - 11:32DROPS Design answered:
Hola Alicia, la disminución se trabaja como sigue: deslizar 1 punto de derecho, 2 puntos juntos de derecho y pasar el punto deslizado sobre los puntos trabajados juntos. Por lo que de 3 puntos queda 1 punto. Esto debería cuadrar bien en el punto elástico de la siguiente vuelta.
28.02.2022 - 16:46Ellie wrote:
Hi! Can I work this hat and mitten patterns using the yarn Sky? I have many Sky at the moment, and DK yarns are abundant in my stash. According to your Ravelry page of this particular pattern, this seems to be DK pattern. Please advise if it is ok to use your yarn Sky using this pattern.
20.01.2022 - 14:19DROPS Design answered:
Dear Ellie, work a swatch and check your tension/texture, you might work with Sky (it might just look somewhat different). Happy knitting!
20.01.2022 - 17:23Justyna wrote:
Witam serdecznie. Czy zamiast włóczki kid silk w tym wzorze mogę użyć jako alternatywę brushed alpaca silk?
16.11.2021 - 20:30DROPS Design answered:
Witaj Justyno, spróbuj, ale wcześniej zrób próbkę i zobacz czy nie trzeba będzie zmniejszyć początkowej liczby oczek w czapce, gdyż Brushed Alpaca Silk jest znacznie grubsza od Kid-Silka. Pozdrawiamy!
17.11.2021 - 08:20Jessie wrote:
Bonjour, lors des diminutions un tour sur deux sur le bonnet, sur le rang sans diminution, tricote-on en côte en suivant les côtes des mailles du rang précédent (on se retrouvé avec plusieurs mailles endroit à la suite ) ou tricote-on en côte en ignorant les mailles du rang précédent entre les diminutions? Merci!
18.03.2021 - 17:43DROPS Design answered:
Bonjour Jessie, au tour suivant les diminutions, tricotez les mailles comme elles se présentent (= les mailles endroit à l'endroit et les mailles envers à l'envers). Bon tricot!
19.03.2021 - 06:28Lene wrote:
Kan man bruge brushed alpaca silk til huen? Hvor meget garn skal bruges og er det bare 1 tråd, der skal strikkes med?
20.01.2021 - 21:19DROPS Design answered:
Hej Lene, prøv garnomregneren, vælg DROPS Alpaca - garnforbrug til din størrelse x 2 - og vælg 2 tråde - God fornøjelse!
26.01.2021 - 16:17